Мицкоски: Заев го избламира Таки Фити, го тераше во рок од две недели да менува изјави
Излегуваше премиерот и викаше „јас нема да дозволам промена на Уставот, додека дишам“, се колнеше во предците, се колнеше во дедовината, во татковината, се колнеше во најмилото, за на крај да видиме што се случи, истакна претедателот на ВМРО-ДПМНЕ, Христијан Мицкоски во гостувањето во емисијата „Патот кон“ на телевизијата Алсат М.
Во целата оваа авантура и реално шоу кое и го приреди Зоран Заев на Македонија и на Македонската јавност го натера најпрвин претседателот на најповиканата научна институција да каже дека ерга омнес концептот е неприфатлив и дека тоа значи губење на историјата, губење на националноста и идентитетот за да неколку недели потоа истиот тој човек ретира од тој став и каже, па видете сега, тоа не е така туку е вака....
Вели дека премиерот Зоран Заев давал интервјуа во светски списанија во кои говореше дека морало да го задржи натписот „Влада на Република Македонија“, за неколку недели потоа да излезе и да каже дека нема да биде премиер како што се колнеше претходно, туку ќе биде премиер на Република Северна Македонија.
– Од овие авантуристички и „купи ден – продај“ политики, од овие политики „вети, а не исполни“, од овие политики „лажеш, а тоа не само што лажеш, туку сушиш лажеш“ губат сите граѓани. Се губи кредибилитетот на институции, кои со години го стекнувале пред македонската јавност. Не може вака, мора овие луѓе да заминат, рече Мицкоски.
