Во Индонезија осуден на смрт имамот, идеолог на ИД

Судот во Индонезија денеска го осуди на смртна казна радикалниот свештеник Аман Абдурахман бидејќи им наредил на екстремистите да извршуваат напади во земјата, меѓу кои и самоубиствениот бомбашки напад во едно кафуле од синџирот „Страбакс“ во јануари 2016 година.

Според полицијата и Обвинителството Абдурахман е главен идеолог на екстремистите од Исламска држава во Индонезија, најголемата муслиманска држава во светот.

Неколку стотина полицајци го обезбедуваа судот во Џакарта, каде е изречена пресудата за Абдурахман.

Во Индонезија е зголемен стравот од напади по минатомесечниот самоубиствен бомбашки напад во Сурабај, втор град по големина во Индонезија. Нападот беше извршен од семејства заедно со нивните деца.

Полицијата наведе дека нападот е организиран од мрежа екстремисти инспирирана од Абдурахман.