Познатиот кувар не бил под влијание на дрога кога се самоубил

Познатиот американски кувар Ентони Борден не бил под влијание на наркотици кога на почетокот од месецот изврши самоубиство, соопшти полицијата во Франција.

- Нема траги од наркотици. Нема траги од никакви токсични производи. Има траги од лекови во терапевтска доза. И има траги од алкохол, се наведува во токсиколошкиот наод.

Борден (61), кувар, писател и телевизиско лице на 8 јуни е пронајден мртов во хотелска соба во Франција, а кремиран е минатата недела. Тој се обеси во бањата на еден француски хотел, по што е покрената истрага, која требаше да ги утврди околностите на смртта.

Емисиите на Борден од 2013 година се емитуваа на Си-Ен-Ен, а во секоја епизода тој патуваше по светот и ги истражуваше локалните култури и кујни.