Протест против романската Влада, додека во Парламентот се дискутира за гласање недоверба

Околу две илјади антивладини демонстранти се собраа во близина на романскиот Парламент во момент кога претстои гласањето недоверба на левичарската Влада, обвинета од опозицијата дека ја ослабела правната држава и демократијата.

Опозицијата предводена од Национално-либералната партија најверојатно нема да успее да ги собере потребните 233 гласа за да ја урне Владата на премиерката Виорика Данчила, која беше назначена во јануари. Таа е трет премиер на Социјалдемократската партија од парламентарните избори во декември 2016 година.

Демонстрантите скандираат „Оставка!", „Не сакаме да бидеме раководени од крадци", „Вие не сте Романија" и веат романски знамиња во паркот „Извори“ недалеку од зградата на Парламентот, пренесува БТА.

Демонстрации се планираат и во другите големите градови во Романија, а и Романците кои се во странство, исто така, се подготвуваат за протести вечерва.