Столтенберг ја поздрави престојната средба Трамп - Путин

Генералниот секретар на НАТО, Јенс Столтенберг денеска ја поздрави престојната средба помеѓу претседателот на Русија и на САД, истакнувајќи оти верува во дијалог.

- Ја поздравувам средбата Трамп - Путин, бидејќи верувам во дијалог, истакна Столтенберг.

Тој додаде дека е во целосна согласност со политикагта на НАТО да се разговара со Русија и да се одржуваат состаноци со руските претставници.

- Не сакаме нова Студена војна. Не сакаме да ја изолираме Русија, сакаме да се бориме за подобри односи. За мене дијалогот не е знак на слабост, туку на сила, посочи Столтенберг.

Претседателот на САД и на Русија, Доналд Трамп и Владимир Путин на 16 јули ќе се сретнат во Хелсинки. Теми на разговор ќе бидат билатералните односи, како и за војната во Сирија и ситуацијата во Украина.