Москва: ЦИА да ги ажурира податоците за Русија, да го додаде Крим

Амбасадата на Русија во САД ја посоветува Централната разузнавачка агенција (ЦИА) да ги ажурира податоците за Русија во својата Светска карта, со тоа што ќе ги додаде Крим и Севастопољ.

Советот на Руската амбасада уследи откако ЦИА пред фудбалскиот натпревар Русија - Хрватска на Твитер објави список со информации за Русија во „Светската книга на инфорации на ЦИА“ и во еден од твитовите ја објави картата на државата, а во друг твит основните статистички податоци - големина од 17.098.242 километри квадратни и 142,3 милиони жители.

- Честитката е прифатена (за квалификувањето на руската фудбалска репрезентација во четврт-финалето на Мундијалот). ЦИА, Ве молиме ажурирајте ја картата на Русија и статистиката: Број на жители - 146,9 милиони, површина 17.125.191 километри квадратни, се наведува во твитот на Руската амбасада.

Во еден од постовите објавена е и картата на Русија со Крим и податоците за бројот на жители и територијата.