Најмалку десетмина загинати при самоубиствен напад во Авганистан

Најмалку десет луѓе загинаа, меѓу кои и двајца припадници на разузнавачката служба, во денешниот самоубиствен бомбашки напад во авганистанскиот град Џалалабад.

При нападот повредени се четири лица.

Според локалните власти мета на нападот била разузнавачката служба.

Напаѓачот го активирал експлозивот во близина на бензиска станица, а потоа изби голем пожар.

Речиси во исто време во западната провинција Фарах, талибанците нападнаа контролен пункт, при што загинаа тројца полицајци.

Во областа Бала Булук уште четворица полицајци се повредени при синоќешниот напад. Во судирот убиени се најмалку пет талибански бунтовници, додека седуммина се повредени.