Трамп му се заблагодари на Јункер за залагањата за договорот за трговскиот спор

Американскиот претсеател Доналд Трамп му се заблагодари на претседтаелот на ЕК, Жан-Клод Јункер за работата со која помогнал да се намалат несогласувањата за трговски прашања. Тој наведе дека Вашингтон упатил предупредување до „измамниците во светската трговија“.

Трамп зборуваше во Гранит Сити во државата Илиноис.

Тој рече дека вчера со ЕУ бил постигнат многу важен договор за постепено намалување на трговските бариери и воспоставување чесни и реципрочни трговски односи.

– Сакам лично да му се заблагодарам на претседателот на Европската комисија Жан-Клод Јункер за работата за постигнување историски договор, нагласи Трамп.