Специјална авиолинија за домашни миленичиња

Авиокомпанијата Џапен ерлајнс за еден ден ги распродаде картите за ексклузивниот лет наречен „Турнејата Ван Ван“ за патниците кои сакаат да одат на одмор со своите кучиња, а не сакаат да ги остават во багажникот за миленичиња.

Компанијата се одлучи на овој потег по бројните барања на своите патници - нивните миленичиња да бидат до нив за време на летот. Така и се роди идејата за излет од Токио до Окинава, каде ќе бидат и сместени во хотел којшто дозволува присуство на животни.

Во турата е вклучена прошетка низ градот, соба за едно лице и куче, три ноќевања со појадок и вечера и повратна карта.

На летот ќе има и ветеринари, а цената на овој излет е околу 1.150 евра.