Шпанската поморска служба спаси 123 мигранти

Во Шпанија се спасени 123 мигранти кои се обиделе да го поминат Медитеранот, соопшти Шпанската поморска служба за спасување.

Како што наведува Службата, мигрантите тргнале од Северна Африка, а се движеле со 12 чамци, кои припадниците на Службата ги пресретнала рано утрово во Гибралтарското Море.

Вчера и завчера, Службата спаси повеќе од илјада мигранти кои се упатиле кон европските брегови.

Шпанија во текот на оваа година прими повеќе од 20.000 мигранти, откако италијанските и малтешките власти одбија да примаат мигранти во своите земји.