Владејачката партија на Камбоџа тврди дека ги освоила сите места во Парламентот
Партијата на долгогодишниот премиер на Камбоџа, Хун Сен денеска соопшти дека на вчерашните избори ги освоила сите 125 места во камбоџанскиот Парламент.
- Камбоџанската народна партија освои 77,5 проценти од гласовите и сите места во Парламнетот. Опозицијата не освои ниту едно место, соопшти Сок Ејсан, портпарол на партијата на Хун Сен, кој е премиер на Камбоџа веќе 33 години.
При вчерашното објавување на резултатите, партијата тврдеше дека освоила 80 проценти од гласовите и сите пратенички места на изборите, кои ги бојкотираа водечките политички партии.
Најголемата опозициска партија, Камбоџанската партија за национален спас (ЦНРП), беше расформирана во ноември 2017 година со одлука на Судот, а нејзиниот лидер Кем Сока осуден на затворска казна поради предавство.
Портпаролката на Белата куќа, Сара Сендерс изјави дека изборите не претставувале одраз на волјата на народот на Камбоџа и најави дека Стејт Департментот ќе ја разгледа можноста да стави повеќе камбоџански функционери на листата на лица кои не можат да добијат визи за САД.
