Меркел на средба со Путин в сабота близу Берлин

Германската канцеларка Ангела Меркел ќе има средба со рускиот претседател Владимир Путин в сабота во Германија, а главни теми ќе бидат војната со Сирија, судирите во источна Украина и енергетски прашања.

Средбата ќе биде во владината палата во Мезеберг, на 65 км северно од Берлин.

– Се очекува во фокус на разговорите да бидат билатералните односи како и конфликтот во Сирија, ситуацијата во источна Украина и енергетски теми, изјави Штефен Зајберт, портпарол на Владата.

Најважното енергетско прашање е проектот на гасоводот Северен поток 2, со кој природен гас ќе се доставува директно од Русија под Балтичкото Море до Германија.

Меркел и Путин последен пат имаа средба во Сочи во Русија во мај.