Во самоубиствен напад во Кабул загинаа 48 лица и 67 повредени

Во самоубиствен бомбашки напад во западниот дел на главниот град на Авганистан, Кабул, загинаа најмалку 48 лица и 67 се повредени, соопшти авганистанското Министерство за здравство.

Повредените се пренесени во градските болници.

Цел на самоубиствениот бомбашки напад била приватна зграда каде се одржувале подготвителни приватни часови за запишување на факултет.

Засега никој не ја презеде одговорноста за нападот, кој следеше по неколку недели релативен мир во Кабул.