Ахунзада: Во Авганистан нема мир се додека трае окупацијата на странците

Лидерот на талибанците Маулви Хаибатул Ахунзада денеска изјави дека нема да има мир во Авганистан се додека трае „окупацијата на странците“, повторувајќи дека 17-годишната војна може да биде завршена само со директни преговори со САД.

Во пораката објавена денеска по повод празникот Еид ал-Ада, Ахунзада истакна дека талибанците остануваат посветени на „исламските цели“, суверенитетот на Авганистан и завршување на војната.

Последните години талибанците зазедоа области ширум Авганистан, често изведувајќи поголеми напади.

Талибанците од 1996 до 2001 година беа на власт со Авганистан и владееа во согласност со строгата интерпретација на исламскиот закон, според кој на жените им е забрането да се образуват и тие воглавно беа затворени во домот. Во нивно време, Авганистан беше засолниште за Ал Каеда и Осама бин Ладен.