Француски Тотал и официјално се повлече од голема гасна зделка во Иран

Иран денеска информираше дека францускиот нафтен гигант Тотал и официјално се повлекол од 20-годишниот план за развој на наоѓалиштето на гас Јужен Парс во водите на Перисискиот Залив, близу Катар. Проектот требаше да вреди 5 милијарди долари, но Французите во изминатите неколку месеци најавиле повлекување, а на нивно место се очекува да влезе кинеска компанија, која нема да биде толку изложена на американските санкции како Тотал.

Министерот за нафта на Иран Биџан Занганех денеска изјави дека Французите го најавиле повлекувањето пред одредено време, и дека кинеската државна нафтена компанија ЦНПЦ веќе поседува 80 проценти од зделката. САД ги вратија санкциите врз иранскиот нафтен сектор почнувајќи од август, поради иранското непочитувањето на одредбите од нуклеарниот договор што Иран го потпиша со повеќето светски сили. Договорот со Тотал беше потпишан во 2017 година, и се работеше за прва поголема зделка што Исламската Република ја потпишала со странска нафтена компанија од склучувањето на нуклеарниот договор во 2015 година.

Јужен Парс е едно од најголемите наоѓалишта на природен гас во светот. Поделено меѓу е Иран и Катар, и двете земји веќе црпат по 750, односно 590 милиони кубни метри гас дневно.