Трамп со обвинувања за „Гугл“

Американскиот претседател Доналд Трамп денеска го обвини „Гугл“ (Google) дека манипулира со резултатите од пребарување во корист на негативните извештаи за него и за другите конзервативци.

- Резултатите на „Гугл“ од пребарувањето на „вести за Трамп“ ги покажуваат само извештаи на новите лажни медиуми, напиша Трамп на Твитер.

Тој додаде дека најмногу лажни вести објавува Си-Ен-Ен.

- Републиканските/конзервативни и фер медиуми се исклучени, тврди Трамп.

Тој додаде и дека 96 отсто од резултатите од пребарување на „вести за Трамп“ потекнуваат од „националните левичарски медиуми“, што според Трамп е „многу опасно“.