Британските власти планираат да ги забранат енергетските пијалоци на деца

Британската Влада има намера да ја забрани продажбата на енергетски напитоци на деца и тинејџери во Англија и најави јавна дебата по тоа прашање.

Властите предлагаат да бидат забранети пијалоците кои содржат над 150 милиграми кофеин на еден литар, како на пример - „Редбул", „Монстер" и „Рилентлес". Се смета дека тие кај децата причинуваат главоболки, болки во стомакот, несоница и хиперактивност.

Јавната дебата ќе биде околу тоа дали забраната да се примени на лица под 16 или под 18 години.

Забраната би се однесувала само за Англија, бидејќи останатите земји во Обединетото Кралство самостојно одлучуваат дали ќе воведат таква забрана.