Во Мексико на улица убиен новинар на Канал 10

Убиен е репортер на телевизијата Канал 10, соопшти таа медиумска куќа. Хавиер Енрике Родригез Ваљњадарес е осмиот новинар убиен во Мексико од почетокот на годината.

Канал 10 соопшти дека Ваљадарес бил снимател, но работел и интервјуа и репортажи за политички теми.

Локалните медиуми информираат дека тој бил убиен на една од главните градски улици во Канкун.

Мексико се смета за една од најопасните земји во светот за новинарите. Во 2017 година убиени се 17, а од 2000 година во Мексико се ликвидирани повеќе од 100 новинари.