Гризман прогласен за најдобар играч во Лига Европа

Францускиот репрезентативец Антоан Гризман е избран за најдобар фудбалер во Лига Европа за сезоната 2017/18.

Гризман со својот клуб Атлетико Мадрид, минатата сезона ја освои Лигата на Европа.

- Многу сум среќен и горд на наградата. Сакам да им се заблагодарам на сите што работата во Атлетико, како и на тренерот и соиграчите, изјави Гризман.

Тој не можеше да присуствува на денешната церемонија на доделување награди, бидејќи утре го очекува дуел против Селта Виго во шпанската Ла Лига.