Во Боцвана пронајдени околу 90 мртви слонови

Здужението „Слонови без граници“ ги обвини ловокрадците за смртта на слонови во Боцвана, а научниците, кои ја покренаа истрагата, рекоа дека 87 слонови биле убиени поради бивните, пред неколку недели.

Речиси 90 мртви слонови се пронајдени во близина на резервоарот во Боцвана, што е најголем број убиени слонови пронајден на едно место на подрачјето на Африка.

-Шокиран сум. Ова е најголем лов на слонови досега каде било во Африка. Забраната за лов на слонови е донесена во 2015 година, а од тогаш бројот на убиени слонови се удвои, вели Мајк Чејс од здружението „Слонови без граници“.

Третина африкански слонови настрадаа во последните 10 години, а 60 отсто слонови од Танзанија се убиени во последните пет години.