Гвардиола им забрани мобилни телефони на играчите

Манчестер сити планира да ја повтори одличната минатогодишна сезона кога ја освои Премиер лигата, а тренерот Пеп Гвардиола за таа цел воведе построги правила за играчите и најави парични казни за непочитување на истите.

За да ја задржи концентрацијата на играчите, Гвардиола меѓу другото им забранил да ги користат мобилните телефони во тренинг центарот, а единствено место од каде ќе можат да телефонираат е соблекувалната. Парични казни се предвидени и за оние кои ќе доцнат на тренинзите, а досега за ова бил казнет Бенџамин Менди.

Гвардиола строго ја започна новата сезона, а за тоа сведочи и фактот дека Лирој Сане поради недисциплина и слабо залагање на тренинзите досега нема настапено на ниту еден натпревар во новата сезона.

Манчестер сити по четири кола во Премиер лигата има три победи и едно реми, а следниот натпревар го игра дома против Фулам.