Министерот за одбрана на САД во ненајавена посета на Авганистан

Американскиот министер за одбрана Џејмс Матис пристигна денеска во ненајавена посета на Кабул за време на која ќе има сосстанок со авганистанскиот претседател Ашраф Гани и новиот командант на американските и НАТО сили во таа држава.

САД во моментот имаат 14.000 војници распоредени во Авганистан и претставуваат наголем дел во составот на НАТО мисијата за поддршка и обука на авганистанските безбедносни сили.

Тоа е втора посета на Матис во изминатите неколку месеци и е во клучен момент на судирите што траат 17 години.

Авганистанските и американски сили не напредуваат во борбата против талибанците и дипломатските актери двојно ги засилуваат напорите за водење мировни преговори.