Ким примил писмо од Путин, подготвен е за посета на Русија

Претседавачот со рускиот Совет на федерацијата (Горниот дом на Парламентот) Валентина Матвиенко, изјави дека севернокорејскиот лидер Ким Џонг-ун примил писмо од рускиот претседател Владимир Путин и потврдил подготвеност за официјална посета на Русија.

Матвиенко тоа го изјави по денешниот состанок со Ким во Пјонгјанг.

– Ја извршив задачата од Владимир Путин и му пренесов негова порака. Како одговор тој рече дека потврдува подготвеност и желба да дојде во посета на Руската федерација, изјави Матвиенко.