„Ференц Пушкаш“ за голот на Салах против Евертон (Видео)

Ѕвездата на Ливерпул, Мохамед Салах ја доби наградата „Ференц Пушкаш“ за најубавиот гол во минатата сезона.

Тој ја освои наградата за неговиот погодок против Евертон во Премиер Лигата на 10 декември минатата сезона.

Египќанецот победи во конкуренција на посочените фаворити Кристијано Роналдо, Герет Бејл и Лионел Меси.

Сепак, одлуката на ФИФА предизвика доста контроверзии бидејќи за главен фаворитот и реално еден од подобрите и поубавите голови за минатата сезона важеа ножичките на Роналдо во натпреварот против Јувентус.