Макрон повикува на дијалог и мултилатерализам за решавање на иранската криза

Францускиот претседател Емануел Макрон повика денеска иранската криза да биде уредена со „дијалог и мултилатерализам“.

Тој го упати повикот на годишната сесија на Генералното собрание на ОН во Њујорк по говорот на американскиот претседател Доналд Трамп, кој апелираше за „изолирање на иранскиот режим“.

- Едностраниот пристап за уредување на меѓународните дела е нeшто што води кон конфликти и конфронтација по принципот секој против секој и на штета на сите, нагласи францускиот претседател.

Тој се изрази позитивно за договорот за иранската нуклеарна програма, од кој САД излезе минатата година.