Трамп: Не знам дали Матис ќе се повлече, тој е некаков демократ

Американскиот претседател Доналд Трамп изјави дека не е сигурен дали американскиот секретар за одбрана, Џејмс Матис, планира да се повлече од функцијата, но за „Си-Би-Ес" рече оти пензионираниот генерал може да поднесе оставка и дека Матис го смета за „некаков демократ".

Трамп го изјави тоа во однапред снимено интервју, кое ќе биде емитувано во емисијата „60-минути“ на оваа американска телевизија.

-Тоа би можело да биде така, одговори Трамп, на прашањето дали Матис планира да земине од функцијата.

- Мислам дека тој е како некој вид демократ, ако ја сакате вистината. Но, генералот Матис е добар човек,. Ние многу добро се согласуваме. Можно е да замине, рече Трамп.