Кина: Поранешен заменик- министер за финансии уапсен за корупција

Полицијата во Кина уапси поранешен заменик-министер за финансии поради сомневање за корупција, соопшти обвинителството.

Според соопштението, Џанг Шаочун е под истрага за „сериозни нарушувања на дисциплината и законот“.

Кинескиот претседател Си Џинпинг со години води кампања за искоренување на корупцијата во партиското и државното раководство.