Доведен во прашање трансферот на Болт во Австралија

Поранешниот најбрз човек на светот Јусеин Болт го заврши пробниот период во австралиски Централ Коуст Меринерс, но неизвесно е потпишувањето на договор со клубот поради несогласување со финансиските услови од двете страни.

Австралијците му нудат на Јамајчанецот плата од 150 илјади долари што е далеку помалку о дтрите милиони што ги бара Болт.

Тој веќе не тренира со тимот и најави дека така ќе биде се додека не се постигне договор, ако воопшто дојде до соработка меѓу двете страни.

Останува да се почека разврската која ќе покаже дали за поранешниот спринтер залудно се потрошени двата месеца во Австралија во обид да почне професионална фудбалска кариера.

Неодамна Болт доби понуда да игра за Валета од Малта.