Џон Болтон им се жалел на руските претставници од Кина

Џон Болтон, советник за национална безбедност на американскиот претседател Доналд Трамп, ги искористил денешните средби со руски претставници да се пожали поради кинеската политика на економски и воен план, објавија руските медиуми.

Болтон подоцна во текот на денот треба да се сретне и со рускиот претседател Владимир Путин, а на состанокот се очекува да го објасни потегот на Трамп за напуштање на Договорот за уништување ракети со краток и среден дострел, кој е потпишан во 1987 година.

Според руските медиуми, Трамп меѓу другото е загрижен поради тоа што Кина не е опфатена со тој договор и може слободно да развива и произведува балистички и крстосувачки ракети со среден дострел.