Граѓаните искористиле 450.000 евра од ГЕФФ програмата за енергетска ефикасност

Преку програмата за финансирање енергетска ефикасност ГЕФФ за неколку месеци се пласирани 450.000 евра. Програмата е на Европската банка за обнова и развој е во вредност од 85 милиони евра кои се наменети за подобрување на енергетската ефикасност во домовите и се очекува да сигне до 29.000 семејства во цел Западен Балкан.

-Овој проект претставува кредитна линија со субвенција до 20 отсто и неговата намена е исклучиво за домаќинствата, поточно за физички лица. Проектот можат да го користат сите оние кои градат нови фамилијарни куќи или ги реновираат своите станови или куќи. Проектот ќе се спроведува во следните три години, до 2021 година. Во програмата се вклучени 11 технологии и преку 3.500 производи кои се високо ефикасни, Игор Панчевски, технички експерт за Македонија и Косово на проектот GEFF на денешната презентација што се одржа во рамки на Саемот за градежништво и Технома.

Ведрана Вељаноска од Охридска банка Сосиете женерал потенцираше дека интересот за А++ кредитите е доста голем за овој краток период. Овозможени се два типа кредити, потрошувачки и хипотекарен кредит со атрактивни каматни стапки.

Клучната цел на оваа програма е да ја намали емисијата на гасови, да ја подобри удобноста на животот и да ги намали трошоците за електрична енергија.

ЕБОР ГЕФФ се спроведува во рамките на Регионалната програма за енергетска ефикасност за Западен Балкан (REEP Plus), финансирана од Европската Унија.