Последните моменти пред да се урне хеликоптерот на газдата на Лестер (Видео)

Газдата на Лестер, Вишаја Шриваданапрабха бил во хеликоптерот кој синоќа се урна на паркингот во близина на „Кинг Пауер“ стадионот. Лестер играше 1:1 против Вест Хем, а несреќата се случи по завршување на дуелот.

Стандардна процедура било хеликоптер да слетува на теренот од стадионот, за да го земе газдата Шриваданапрабха и да го однесе до неговиот дом во Лондон. Така било и синоќа, а тоа го потврдуваат и последните направени снимки од хеликоптерот кој полета од центарот на игралиштето на стадионот.

Тајландскиот милијардер го купи Лестер во 2010 година и успеа од него да направи шампионски клуб. Во 2016 година шампионскиот трофеј пристигна во витрините на Лестер, што е најголем успех во клупската историја. Тогаш, Шриваданапрабха ги награди играчите купувајќи 19 БМВ возила вредни по 100.000 фунти.