Пожарникарите со полни раце работа, регистрирани четири пожари во Скопје

Вчера околу 12,20 часот било пријавено дека во Затвор - Скопје, настанал пожар, при што била опожарена соба од затворено одделение. Eден припадник на затворската полиција и тројца затвореници биле пренесени во Комплексот клиники “Мајка Тереза“ за укажување на лекарска помош. Пожарот бил изгаснат од страна на екипи од Бригадата за противпожарна заштита. Се преземаат мерки за целосно расчистување на случајот.

Истиот ден во 06,10 часот било пријавено дека во с.Кадино-скопско, на место викано.„Кумслук“ избувнал пожар во викендица, сопственост на Л.П. (44). Повредени лица нема. Од страна на Бригадата за противпожарна заштита пожарот бил целосно изгаснат. Извршен бил увид и се работи на целосно расчистување на случајот.

Во 11,55 часот било пријавено дека во Скопје на улицата „Методија Андонов Ченто“ во магацин за детски играчки избувнал пожар. Повредени лица нема, а од страна на Бригадата за противпожарна заштита пожарот бил изгаснат. Извршен бил увид и се работи на целосно расчистување на случајот.

Воедно во 16,55 часот било пријавено дека во с.Мирковци -скопско, избувнал пожар, при што горела сува трева околу 2000 м2. Од страна на Бригадата за противпожарна заштита пожарот бил целосно изгаснат.