Јувентус и Милан ќе ги одмерат силите во Суперкупот на Италија во Саудиска Арабија

Италијанскиот шампион Јувентус и Милан ќе играат за Суперкупот на Италија на 16 јануари, среда, објави локалната фудбалска федерација.

Мечот за трофејот ќе се одржи во градот Џеда, Саудиска Арабија. Ова ќе биде шести пат кога победникот на трофејот ќе биде определен во друга земја. Претходно, мечот се одржа во Триполи, Њу Џерси, Пекинг, Доха и Шангај.

Во минатата сезона, Јуве освои 4-ти по ред „Златен дубл“ во Италија, а во финалето на Купот го совлада токму Милан со 4:0. „Бјанконерите“ и „росонерите“ имаат рекордни 7 Супер Куп трофеи, а по нив следи Интер со 5.

Во 2017 година, трофејот оди во рацете на Лацио по победа од 3:2 над „старата дама“ во Рим.

Интересно е што Јуве и Милан играа само двапати за трофејот и во двата случаи надвор од Италија. Во 2003 година, тимот од Торино победи на пенали во САД, а во 2016 година „росонерите“ надвладеа со удари од белата точка во Катар.

Во недела, двата тима ќе се соочат еден против друг во дербито од 12 круг на Серија А. Пред судирот на „Сан Сиро“, Јуве е лидер со 31 поен, додека Милан е на 4-та позиција со 21 поен.