Дубаи планира да воведе летечки полициски мотори до 2020 година

Полицијата во Дубаи има намера да воведе летечки мотори до 2020 година, изјави генералниот директор на Одделот за вештечка интелигенција во Дубаи, Халид Насер Алзаруки.

Една година по Калифорнија, компанијата Ховерсурф го претстави својот летечки мотор С-3 2019 на електропогон и на Саемот за технологија во Дубаи, демонстрирајќи дека леталото е одлично за секојдневни потреби. Градските полициски службеници го добија новитетот на подарок.

– Моментно има две екипи во процес на обука, а бројот на учесници од ден на ден само ќе го зголемуваме, изјави Алзаруки.

Сепак, главниот уредник на списанието „Аероспејс“, Тим Робинсон смета дека како полициско возило тоа би било прилично ограничено, главно поради издржливоста на батеријата, која веројатно ќе мора да биде со поголем капацитет.