Вебер: EПП има одговор за популизмот и екстремизмот

Лидерот на Европската народна партија (ЕПП), Манфред Вебер, кандидат на ЕПП за претседател на Европската комисија на изборите на пролет 2019 година, вели дека неговата партија е лојална на христијанско-демократските принципи и дека има одговори за популизам и екстремизам.

-Патем, за тие одговори, постои верување дека Европската народна партија им покажа на Европејците дека е партија на доверба, како што докажаа нејзините членки-партии во Европа, кои многу успешно се справуваа со проблемот со рецесијата, рече Вебер.

Тој додава дека ги спровеле сите неопходни реформи, кои беа многу непопуларни, но истовремено неопходни.

Вебер, исто така, е убеден дека Европската народна партија ќе одговори на предизвиците, како што е популизмот, нудејќи им на европските граѓани „амбициозен“ проект за новите генерации.

Манфред Вебер минатата недела на Конгресот на Европската народна партија (ЕПП) беше избран за кандидат за претседател на Европската комисија на европските избори на пролет 2019 година.

-На Европа и е потребно ново поглавје. Времето кога требаше да се справуваме со криза е завршено, сега треба да бидеме подготвени за добра иднина, која јасно ќе ја дефинира Европската унија и ќе ги направи Европејците горди на тоа што се, заклучи Вебер.