Во Штип прмовиран зборник 70 години учителска школа „Гоце Делчев“

Во Штип денеска беше промовиран зборник по повод 70 години учителска школа „Гоце Делчев“. Атанас Николовски, еден од стручните носители на зборникот, а воедно и ученик на првата генерација на учителската школа вели дека издавач на зборникот е штипскиот универзитет „Гоце Делчев“.

-Се поставува прашањето што е тоа што ги привлекува луѓето да го истражуваат тоа време, кога учителската школа не постои повеќе од 50 години. Таа функционираше само 18 години, со 15 запишани нови генерации и со пет пати селење Ново Село – Штип и тука заврши, во гимназијата се разбира. Ние учителската школа ја проучуваме од стручен и научен аспект, вели Николовски.

Јелица Николовска истакна дека со денешната промоција се совпаѓа уште еден јубилеј, а тоа е 20-години од проектот за Истражување на учителската школа.

-Ова е јубилеен зборник, едно од изданијата покрај Монографијата издадена во 1999-та и Зборникот од научната конференција што четири години се спроведуваше во Штип, рече Николовска.

Во рамките на промоцијата свои обраќања имаа и градоначалникот на Општина Штип, Благој Бочварски и ректорот на Универзитетот „Гоце Делчев“-Штип, Блажо Боев.