Во Македонија ќе биде одбележана Третата недела на италијанска кујна во светот

Третата неделата на италијанската кујна во светот, во Македонија ќе биде одбележана со низа настани во организација на Амбасадата на Италија во Скопје и Канцeларијата ИТА – Агенцијата за промоција и интернационализација на италијанските компании.

Одбележувањето на Третата недела на италијанска кујна во светот започнува денеска, а ќе трае до 25-ти овој месец.

Настанот е од светски рамики, а е организиран под покровителство на италијанското Министерство за надворешни работи, со цел промоција на италијанската ено-гастрономска култура и традиција, сo посебен акцент на богатството на специјалитети и состојки типични за италијанските региони, нивната историја и територија.

Медитеранскиот начин на исхрана, таканаречената Медитеранска диета, е централна тема на овогодинешното издание на Неделата на италијанската кујна во светот.

Во текот на целата недела се предвидени настани наменети за љубителите на италијанската храна и вино, за готвачи професионалци и за аматери, за компании заинтересирани за увоз и дистрибуција на италијанска храна и вино, како и за љубители на италијанскиот филм.