СОС Детско село со поедноставена можност да им се подари среќа на децата преку www.sos.org.mk

Со цел исполнување на скромните детски желби, отсега за сите оние кои посакуваат да подарат насмевка на децата без родителска грижа и децата во социјален ризик, ќе можат да го направат истото на поедноставен начин преку онлајн донации – https://sos.org.mk/zvezdeno%20nebo/, соопшти СОС Детско село.

– Од денес на влезот на Cineplexx во Skopje City Mall во Скопје е поставено посебно катче за сите оние кои сакаат да ги заменат незаменливите. Секој кој што ќе донира преку специјалната касичка на СОС детско село или он-лајн преку специјален таблет на лице место, ќе ја има можноста да стане дел од ѕвезденото небо на СОС Детско село. Потребно е само желба да се помогне, се наведува во соопштението.

СОС Детско село реализираше социјален експеримент во Cineplexx во Скопје, со цел да се поттикне свеста за донирање кај граѓаните и да се истражи колку е моќна желбата да се помогне на оние на кои најмногу им е потребно. Неколку анонимни лица подготвија специјални видео-пораки за своите најмили. Тие беа емитувани на големото платно и нивните најблиски беа целосно изненадени од најмоќната порака на светот „Те сакам“.

– Најсилната реакција ја предизвика контрасната порака на детето без родители кое со своите желби за семејство и љубов ја потсети публиката во кино салата за важноста на помошта и донирањето за децата без родителска грижа и децата во социјален ризик во Македонија како и дека секое дете заслужува љубов и соодветни услови да сонува и да успее во животот, додава СОС Детско село.