НАСА: Инсајт леталото безбедно слета на Марс

Беспилотното летало на НАСА Инсајт безбедно слета на Марс со што ја почна својата двегодишна мисија како прв објект дизајниран да ја истражи длабоката внатрешност на планетата.

Инженерите во лабораторијата ЈПЛ во близина на Лос Анџелес објавија дека успешното слетување го потврдиле сигналите испратени на Земјата од еден од двата минијатурни сателити кои се лансирани.

Леталото слета на Марс по половина година патување, долго 548 милиони километри, откако беше лансирано во мај од Калифорнија.

Леталото носи инструменти кои ги детектираат температурите на планетата и сеизмичките појави кои за сега не се мерени никаде освен на Земјата.