ЕУ загрижена, но без нови санкции за Русија по инцидентот со Украина

Европската унија е „исклучително загрижена“ поради „опасното зголемување“ на тензиите меѓу Русија и Украина во Азовско Море. Сепак, не се планирани нови санкции против Москва, соопштија владите на 28-те членки на Унијата.

„Ние сме загрижени од оваа употреба на сила од страна на Русија, која, во контекст на зголемување на милитаризација во регионот, е неприфатлива”, се вели во заедничкото соопштение лиферувано од Канцеларијата на високата претставничка на ЕУ за надворешна и безбедносна политика Федерика Могерини.

Текстот бил договорен по тридневна дискусија. Тоа се должи на сериозни несогласувања меѓу одделни земји-членки, велат дипломатски извори, пренесува БТА.

За усвојување нови санкции против Русија неопходна е согласност од сите членки на Унијата.

Полска ја поддржала идејата за воведување нови санкции, но според неколку земји, вклучувајќи ги Франција и Германија, тоа би било прерано.

ЕУ воведе економски санкции за Русија во јули 2014 година поради конфликтот во Украина.