Во Париз приведени над 100 демонстранти

Во Париз трет викенд по ред избија судири помеѓу демонстрантите и полицијата за време на протестот на „жолтите елеци“ поради зголемување на таксата за гориво.

Судирите избија кога помала група демонстранти поставија барикади на улица во центарот на Париз и запалија гуми.

– Уапсени се најмалку 107 луѓе, изјави францускиот премиер Едуар Филип.

Полицијата употреби солзавец против демонстрантите кои се обидоа да го пробијат безбедносниот кордон на Елисејските полиња.

Француските власти стравуваат дека приврзаници на ултра десницата и на левицата се обидуваат да се инфилтрираат во движењето „жолти елеци“ кои протестираат поради зголемување на таксите на горивото.

Полицијата употреби солзавец и против „жолтите елеци“ пред Тријумфална капија, кои фрлаа камења врз припадниците на безбедносните сили.