Сепак имаше кратка средба Путин – Трамп

Претседателите на Русија и на САД, Владимир Путин и Доналд Трамп вчера имаa куса средба на маргините на Самитот на Г-20 во Аргентина, изјави денеска советник во Кремљ, Јуриј Ушаков.

Ушаков додаде дека тој се сретнал со советникот на Трамп за национална безбедност Џон Болтон.

– Русија и САД се подготвени да ги продолжат контактите, наведе Ушаков.

Но, тој посочи дека „не е сигурен кога би можело да биде одржан нов состанок меѓу Путин и Трамп“.

Американскиот претседател вчера изјави дека решил да ја откаже планираната средба со неговиот руски колега Владимир Путин на маргините на Самитот на Г-20 во Буенос Аирес, поради инцидентот со украинските бродови во близината на Крим.

– Тоа беше единствената причина, изјави вчера Трамп во Буенос Аирес.