Штипските амбуланти полни со пациенти со вирози

Во Штип не се регистрирани пациенти со грип, но здравствените амбуланти се полни со пациенти со симптоми на вирози. Директорката на Центарот за јавно здравје-Штип, Марија Димитрова вели дека имаат регистрирано 12 клинички непотврдени случаи со симптоми на грип, биле доставени и два материјали за да се утврди дали станува збор за грип, но резултатите, кои ги добиле покажуваат дека се негативни. Инаку во Центарот за јавно здравје има вакцини против грип. За само една недела регистрирани се вкупно 752 случаи на горни респираторни заболувања, од кои 200 се деца на возраст до шест години, потоа 216 на возраст од седум до 19 години, 250 пациенти се на возраст од 20 до 50 и 87 лица се на возраст од над 60 години. Додека за една седмица со долно респираторни заболувања има 215 пациенти. Епидемиолот Алекасандар Србиновски од Центарот за јавно здравје во Штип забележува дека овие бројки се нормални за овој период од годината. Причината за појавата на визрозите се неадекватната исхрана и хигиената. Се апелира постојано миење на рацете и да нема поголемо собирање во групи, постојано да има провев на просториите во домот, институциите и училиштата.