Ули Маурер избран за претседател на Швајцарија
Досегашниот министер за финансии Ули Маурер денеска, од страна на Парламентот, беше избран за претседател на Швајцарија.
Шеесет и осумгодишниот Маурер на оваа функција ќе биде од 1 јануари до 31 декември 2019 година. Тој е член на десничарската „Швајцарска народна партија“,а во Владата е од 2009 година, каде бил и министер за одбрана. Маурер беше претседател и во 2013 година.
Швајцарскиот претседател е прв меѓу седуммината еднакви во Федералниот совет (Влада), чии членови ротираат на претседателската функција со едногодишен мандат.
Парламентот избра и две жени за министри: Виола Амхерд за енергетика и Карин Келер-Зутер, за економија. Во новата Влада има три жени и четворица мажи.
