Во Прилеп се подготвува претставата „Авантурите на Пинокио“

Во прилепскиот театар „Војдан Чернодрински“ во тек се подготовките на претставата за деца „Авантурите на Пинокио“ според Карло Колоди во режира Дарко Ковачовски.

Според режисерот Ковачовски, станува збор за куклено-драмска претстава на познатата приказна за Пинокио која секогаш е актуелна кај младата публика.

– Многу важно е еден епски материјал напишан во проза да се преведе на јазикот на сцената. На драматизацијата работевме околу месец и половина. Се работи за куклено драмска претстава. Имаме една кукла Пинокио и глумците кои ќе ги играат другите улоги – лисицата, мачката, таткото, штурчето. Пораката што ја носи „Пинокио“ е многу актуелна. вели Ковачовски кој ја направи драматизацијата заедно со Надја Василева Ковачовска, која, пак, e креатор на куклите и автор на сценографијата и на костимите.

Во претставата играат Јасмина М. Станкоска, Димитар Црцороски, Андон Јованоски, Наташа Ачански, Александар Тодески, Даниела Иваноска и Катерина Чакмакоска Клинческа.

Претставата е дел од програмата на театарот за 2018 година поддржана од Министерство за култура. премиерата се очекува наскоро.