По земјотресот во Тибет, евакуирани 2.100 лица

Повеќе од 2.100 лица се евакуирани по земјотресот во Тибет, Југозападна Кина, со јачина од 5,8 во реонот, јави Синхуа.

Локалните власти за сите засегнати обезбедија шатори, ќебиња, топла облека и лекови. Нема штета на транспортната и комуникациската инфраструктура на регионот.

Земјотресот е регистриран во 03:32 часот, по локално време, во близина на градот Сигатце. Потресот е регистриран на длабочина од осум километри.

Засега нема податоци за жртви.