Иран водел преговори со авганистанските талибанци

Иран преговараше со авганистанските талибанци, изјави секретарот на Врховниот совет за национална безбедност Али Шамхани.

Тој појасни дека авганистанската Влада била во тек со преговорите и оти процесот ќе продолжи. Шамхани, кој е во посета на Авганистан, рече дека и за време на денешната посета разговарале за содржината на преговорите.

Не се соопштува каде се одвивале преговорите.

– Иран е столб на стабилноста во регионот и соработката меѓу двете земји ќе помогне за решавање на проблемите со безбедноста во Авганистан, потенцираше иранскиот претставник.