Турција и САД преговараат за судбината на силите на сириските Курди

Советникот за национална безбедност на Белата куќа, Џон Болтон денеска се сретна со советникот на турскиот претседател Реџеп Тајип Ердоган, Ибрахим Калин, со кого разговараше за судбината на силите на сириските Курди.

По разговорите во претседателскиот комплекс во Анкара, што траеја два часа, Болтон изјави дека побарал гаранции од Турција дека нема да ги нападне Силите за заштита на народот на сириските Курси, кои се сојузник на САД во борбата против џихадистичката група Исламска држава (ИД).

Болтон наведе дека тоа е „услов“ што го поставл американскиот претседател Доналд Трамп, за повлекување на силите на САД од свероисточниот дел на Сирија,

Анкара ги смета Силите за заштита на народот за сириски огранок на Курдската работничка партија (ПКК), која се бори за автономија на регионите населени со Курди во Турција. ПКК е на листата на терористички организации на Турција, ЕУ и САД.