Отфрлена тужбата на Ешли Џад против Вајнстин

Федералниот суд на Лос Анџелес ја отфрли тужбата за сексуално вознемирување, што актерката Ешли Џад ја беше поднела против холивудскиот продуцент Харви Вајнстин.

Тужбата се однесува на тоа што, наводно, продуцентот во 1998 година ја наклеветил откако, како што Џад тврдеше, ги одбила неговите сексуални намери.

Притоа, судијата порачал дека, без обѕир на тоа, актерката може да продолжи со другата тужба за клевета.