Два силни земјотреси во Индонезија

Два силни земјотреси со јачина од шест и 6,6 степени денеска ја погодија областа јужно од индонезискиот град Раб, на островот Сумбава, а опасност од цунами не е објавена.

За сега нема извештаи за евентуална штета или повредени луѓе.

Минатата година во Индонезија во серија земјотреси и цунами загинаа повеќе од 3.000 луѓе.

Во катастрофалниот земјотрес кој на 26 декември 2004 година го погоди западниот брег на Индонезија, кој предизвика и серија цунами во целиот Индиски Океан од Суматра до Сомалија, загинаа 226.000 луѓе во 14 земји, од кои повеќе од 120.000 во Индонезија.